台語開講26~用六月茉莉吟唱賀歲【時間建構-凍結時間建構未來】

弘鶯陶網路電台盧靖安 林聰明老師

[soundcloud url="http://api.soundcloud.com/tracks/304945759" params="auto_play=true" width="100%" height="128" iframe="true" /]

訪談大綱         優選    「時間建構」[sî-kan kiàn-kòo] ---「凍結時間建構未來」。         評審推薦獎「黑色方塊」[hik-sik　hong-khuài]  ---「烏色人形心肝四正」。         評審推薦獎   「內在、漫遊」[ luē-tsāi、bān-iû ]  ---「內在漫遊走揣自我」。         評審推薦獎　「富蘭克林夫人的夢」[ hù-lân-khik-lîm hu-jîn ê bāng]  --「 富蘭克林夫人眠夢」。            時間真的過得很快，又過了一個年頭，台語開獎第26集在大年初五跟大家見面，主持人靖安與聰明老師謹代表弘鶯陶網路電台跟大家拜個年，跟全球的聽眾朋友們拜個年金雞報喜年祝福大家身體健康財源滾滾來。           要聽所有搶救母語文化系列【台語開講】單元歡迎點選網址 http://goo.gl/xjSD3f         聰明老師在台語教學與鶯歌陶瓷博物館擔任志工之餘，為陶博館2016展出的【2016台灣國際陶藝雙年展-陶觀】參賽得獎作品寫了八句聯! 靖安：毋知影舊年國際雙年展已經過去矣！無機會去看的人，聽一下八句聯過癮啦！ 聰明：時間咧過足緊的喔！若是會當凍結時間毋知有偌好啦！無法度凍結時間就只好活佇當下，通好真正建構未來啦！」 這次不只是老師作的八句聯，還有王昌齡的《閨怨》一詩，和現代的四句聯，用"六月茉莉"的曲調來套唱，一樣是能夠朗朗上口，好聽又很有畫面喔!我們在此推廣除了用自己的母語對話與創作，也希望能夠尊重各民族的母語文化，不能帶有任何歧視，透過每一個人重視自己的母語教育，就像是點亮一個小小的燭光，可以照亮四箍輾轉，傳承可貴的文化資產，大過年的，就從台語拜年，分享與轉貼搶救母語文化台語開講開始，千萬不可以凍霜喔! 優選　「時間建構」[ sî-kan kiàn-kòo ] 文：林聰明 　　　　　　　　　　　　　　　　　　　 凍霜袂當求福報 [ tàng-sng buē-tàng kiû-hok-pò ] 結冤宜解化做無 [ kiat-uan gî-kái huà-tsò-bô ] 時時接受業報考 [ sî-sî tsiap-siū gia̍p-pò-khó ] 間接提升智慧高 [ kan-tsiap thê-sing tì-huī-ko ] 建造型體拍開鎖 [ kiàn-tsō hîng-thé phah-khui-só ] 構思為眾有功勞 [ kòo-su uī-tsiòng ū kong-lô ] 未知因果今佇佗 [ bī-ti in-kó tann tī toh ] 來來去去問佛陀 [ lâi-lâi-khì-khì mn̄g-hu̍t-tô ] 凍霜 [ tang-sng ] : 形容一個人吝嗇、小氣，過分節省。 拍開 [ phah-khui ] :打開。 今佇佗 [ tann-tī-toh ] :如今在哪裡。 毋肯替人付出嘛無欲佮人分享的人，其實是誠可憐的眾生，佇咱的娑婆世界有真濟奇奇、怪怪的業報，可能攏佇遐等咱足久矣！對無始劫進前到未來無盡劫以後，時間只是咱建構起來的感覺，是親像重重閣疊疊的建造物，咱若是一直閣造業，塔就一直疊起來，無時無刻掛吊佇半空中咧等待因緣成熟啦！ 這位新加坡的瓷仔藝術家林善春Lim, Sang-choon，伊用疊佇半空中的瓷仔作品來展示伊的理念看法，物件真單純無啥吸引人的色彩，毋過，型體真有想法，閣加上伊的題目叫做「時間建構」，這就予我真有感覺，時間佮空間的一種結合號做「宇宙」，宇宙間無所不有，到底是咱妄想抑是真實的存在呢？想想遐爾濟，保證咱現階段揣無答案啦！不如活佇當下，趕緊替咱做會到的有緣眾生加減仔付出較實在啦！這擺我用的藏頭字是「凍結時間建構未來」來佮伊呼應啦！  評審推薦獎「黑色方塊」[ hik-sik　hong-khuài ]   文:林聰明 烏狗兄騰雲駕霧 [ oo-káu-hiann thîng-hûn-kà-bū ] 色界肉體凡身軀 [ sik-kài bah-thé huân-sin-khu ] 人衫愛新心愛舊 [ lâng-sann ài-sin sim-ài-kū ] 形態高雅氣質浮 [ hîng-thài ko-ngá khì-tsit phû ] 心思若定袂亂舞 [ sim-su nā-tiānn buē-luān-bú ] 肝膽相照夜明珠 [ kan-tám siong-tsiàu iā-bîng-tsu ] 四箍輾轉出任務 [ sì-khoo-liàn-tńg tshut-jīm-bū ] 正義相隨邪惡除 [ tsìng-gī siong-suî siâ-ok tû ] 四箍輾轉 [ sì-khoo-liàn-tńg ]：表示上、下、左、右，及周圍無所不在之意。 紅媠、烏大範，各族群對色緻有一寡無仝款的看法，基本上是好、䆀攏有啦！真歹去定義啥物是正確佮啥物是偏見啦！只要是愛的人若歡喜佮意就好啦！ 這位拉脫維亞的瓷仔藝術家Ilona Romule，用烏色人形來配合伊胸前較四角型的圖樣，講號做是「黑色方塊」啦！當然佇台文咱會用「烏色」來表達，「黑」佇台文是發 [hik] 的音，親像「近朱者赤、近墨者黑」，以赤[ tshik ]對黑[ hik ]才有押韻喔！這擺我用的藏頭字是「烏色人形心肝四正」來佮伊相呼應啦！ 我的看法是毋通用外表來衡量別人，順紲閣共人秤斤、秤兩，這是犯了無智慧的眼界差別，顛倒是看外形無啥物的人，有當時內心真有才啦！當然這是無一定啦！上好看人好額、散或者是肥、白、烏、軟兼殘障，攏愛平等心來對待！愛尊重無仝款人，這真無容易做到啦！ 評審推薦獎「內在、漫遊」[ luē-tsāi、bān-iû ]  文：林聰明 內心世界藏自在 [ lāi-sim sè-kài tshàng-tsū-tsāi ] 在地認同費疑猜 [ tsāi-tē jīn-tông huì-gî-tshai ] 漫步雲境向天拜 [ bān-pōo hûn-kíng hiòng-thinn-pài ] 遊賞四方怎安排 [ iû-siúnn sù-hong tsuánn-an-pâi ] 走跳人間敢有愛 [ tsáu-thiàu jîn-kan kám-ū-ài ] 揣來揣去尾才知 [ tshuē-lâi tshuā-khì bué tsiah tsai ] 自覺助人化阻礙 [ tsū-kak tsōo-lâng huà-tsóo-gāi ] 我若有情愛自來 [ guá-nā ū-tsîng ài tsū-lâi ] 揣來揣去 [ tshuē-lâi tshuē-khì ] : 四處的找來找去及尋尋覓覓。 人講「心䆀無人知，喙䆀上厲害」，人人心中攏會藏著家己的秘密，無講出--來，是無人知影啦！毋過，若是「寄錢會減、寄話會加」，是好是䆀若準講予人知，閣驚會予人加油添醋袂收山喔！ 咱這位台灣的瓷仔藝術家簡志達，用伊學過的毛筆來畫山畫水，順紲轉換做內心的瓷仔作品；漫遊是一種淨化提昇的境界，只有家己上了解家己，這擺用「內在漫遊走揣自我」藏頭字佮伊呼應。 向望人人會當體驗萬世情，嘛會當開始往內心世界，開始來走揣自我的心性轉變，向內走揣家己顛倒會是閣較大、閣較無簡單的工程！想看覓！ 評審推薦獎「富蘭克林夫人的夢」 [ hù-lân-khik-lîm hu-jîn ê bāng ] 　文：林聰明 富貴在天命在地 [ hù-kuì tsāi-thian miā tsāi tē ] 蘭花高雅愛栽培 [ lân-hue ko-ngá ài tsai-puê ] 克服萬難變美麗 [ khik-ho̍k bān-lân piàn bí-lē ] 林木常在鳥自飛 [ lîm-bo̍k tshiâng-tsāi tsiáu tsū pue ] 夫婿冒險四界揣 [ hu-sài mōo-siám sì-kè tshuē ] 人間可有安樂家 [ jîn-kan khó-iú an-lo̍k ke ] 眠床只占三尺狹 [ bîn-tshn̂g tsí-tsiàm sann-tshioh e̍h ] 夢醒仝款哭規暝 [ bāng-tshínn kāng-khuán khàu-kui-mê ] 《閨怨》王昌齡 閨中少婦不知愁，[ kui-tiong siù-hū put-ti-tshiû ] 春日凝妝上翠樓；[ tshun-ji̍t gîng-tsong siōng-tshuì-liû/lôo ] 忽見陌頭楊柳色，[ hut-kiàn bi̍k-thiô/thôo iông-liú-sik ] 悔教夫婿覓封侯。[ hué-kàu hu-sài bi̍k-hong-hiû/hôo ] 看著這个題目，就予人真毋甘啦！尤其是佇古早時代，一个查某人的一生就烏有去囉！愛冒險、愛揣新天地，攏是咱人一部份的天性，毋過，若徛在查某人的觀點， 這是予人兩邊為難，因為欲去烏影，毋去厝內會吊鼎。 這位加拿大的瓷仔藝術家Lisa Creskey，用1845年發生佇英國的富蘭克林冒險北極，煞一去不回頭的心酸代誌，化做一隻「富蘭克林夫人的夢」的瓷仔船，其實一切就在不言中囉！這擺我的藏頭字是「富蘭克林夫人眠夢」，足希望In兩个佇夢中相見，就從此莫閣分開矣！ 相思實在是無藥醫啦！唯有靠時間來淡化爾爾，咱民間也有「相思樹仔袂害人，愛人相思病誠重，先生來看講無望，貼心來看活叮咚」，是咧講炭礦災變的查某人心情 ，相思木用佇炭礦弓牢的上好，足的閣會佇風吹草動時，因為足來磨擦會出怪聲叫人緊走之意。若是翁婿佇災變無死，某囝當然是暢佮著跋啦！啊~~~！人生海海啦！莫傷計較！ 新北市鶯歌陶瓷博物館三樓特展室，展出時間為105/7/15~106/1/2 【2016台灣國際陶藝雙年展-陶觀】相關資訊網頁參考 https://goo.gl/iJX6II 練習多次的您一定會跟靖安一樣，覺得愈讀愈有意思，愈聽愈好聽，愈唸愈有感情，加上靖安一個個問清楚字面的意思，還放上了老師的原文稿，相信有心如您，在欣賞之餘，也樂於將此網址轉貼分享，我們要呼籲正視母語教育，美好的聲音讓我們一起，讓我們每個月的第一個星期三早上10點弘鶯陶網路電台空中再相見! 要聽所有【台語開講】單元歡迎點選網址 http://goo.gl/xjSD3f 教育部閩南語常用詞辭典 http://twblg.dict.edu.tw/holodict_new/index.html 林聰明老師小檔案：台灣國立師範大學台灣文化以及語言文學研究所 現任:新北市鶯歌區昌福國、建國國小的台語老師、固定於鶯歌陶瓷博物館每週三下午2點導覽志工 林聰明老師臉書 https://www.facebook.com/tshongbing.lim。

相關活動消息 1.鶯歌花燈展在建國: 時間106/1/25(三)至106/2/28(二) 點燈儀式:106/1/25(三)晚上6點 地址:新北市鶯歌區育英街98-3號(私立康乃爾幼稚園旁，籃球場進入) 2.「德行天下」一書 ，共讀並書寫心得分享 ，內容一千個字到1500個字 ， 經由至善園書院評審團評審 ， 大專組 第一名得獎金50000元第二名30000元第三名10000元 嘉獎5000元 名額不限 高中組 獎金同大專組， 期望大專生與高中生這些未來的國家主人翁能夠講仁義 重視道德，想要索取書籍者可於弘鶯陶網路電台網頁下留言!