 訪談大綱
嫦娥奔月的時節還未到，不過靖安我今天借用聰明老師寫的「飛天」這首詩來開場，也因此聯想起千古神話中，有許多飛天鑽地的奇異情節，想來還真令人瞠目結舌或是有所懷疑，但在當時來說，或許多多少少也有勸世人要棄惡揚善的警惕作用。在日常生活中信手拈來的感動與聯想，聰明老師透過文字，在我們推廣台語文的聽、講、讀、寫中，有很棒的示範作用，在主題分享【蓬萊仙島】一文中，再次的凸顯台灣政權交替中，先賢烈士在台灣歷史留下許多的軌跡中，我們將記取教訓，也應該要更珍愛台灣這塊寶島，由心出發，也如同每一個人也都是很珍貴的瑰寶一樣，值得好好珍惜愛護，保留既有的美麗，開發潛藏的能力!
或許節目上檔時適逢颱風過境，我們先預祝台灣與生靈萬物皆平安，最近國家語言發展法案也一直在進行，希望母語能夠列入必修課程，能以母語進行更多沉浸式教學中，期待大家一起來關注！
感謝聰明老師以優美的台語文寫成詩，並且運用朗朗上口的歌謠，示範每一個人可以嘗試就地取材的方式進行母語創作，為每一個生活主題寫入故事或詩詞裡，感受深層文化與對生命的延續與體悟。
要聽所有搶救母語文化系列【台語開講】單元歡迎點選網址 http://goo.gl/xjSD3f
「飛天」 [ pue-thinn ] 文：林聰明
飛行飄撇咧流浪 [ hui-hîng phiau-phiat leh liû-lōng ]
天長地久犯空亡 [ thian-tiông tē-kiú huān-khong-bông ]
了解人生才知戇 [ liáu-kái jîn-sing tsiah tsai gōng ]
後來孤單色也空 [ āu--lāi koo-tuann sik iā khong ]
敢講天生愛放蕩 [ kám-kóng thian-sing ài hòng-tōng ]
會曉覺悟心才通 [ ē-hiáu kak-ngōo sim tsiah thong ]
後果來擔傷匆碰 [ hiō-kó lâi-tann siunn tshong-pōng ]
悔不當初為情郎 [ hué-put-tong-tshoo uī tsîng-lông ]
飄撇 [ phiau-phiat ]：非常瀟灑。 犯空亡 [ huān-khong-bông ]：指魂不守舍又很無助。
知戇 [ tsai-gōng ]：知道笨喔！ 傷匆碰 [ siunn-tshong-pōng]：太衝動了。
這是有一位畫嫦娥奔月圖像的席美銀老師，提伊的圖予我看的時陣，予我馬上所產生的千古聯想，當然咱也毋是當事者，閣再講這是神話故事，可信度實在是傷低，只是透過文人雅士，一再被畫烏漆白的神格化，我咧想本底就是無影無跡的代誌，煞予人講甲有跤有手喔！若欲比這種神話能力，咱台灣本土的高山、平埔原住民所流傳落來的神話故事，顛倒猶閣較精彩有意義喔！
所以我第一个想法就是已經飛月的人，久來了後伊敢會後悔，幾仔千年來的無伴佮孤單，結果嘛是自揣的啦！既然知影是騙人的神話，無--咱就將計就計來共解破，予逐家閣較正面的意義啦！毋才會用「飛天了後敢會後悔」來藏頭字佮作品互相呼應。
除非咱無七情六慾的考驗，每一个人攏會有機會來面對情關的試驗啦！就看咱按怎來應對佮過關喔！希望咱攏袂飛天了後煞來後悔就好啦！哈哈哈哈哈哈！
蓬萊仙島 林聰明 作
雺霧中拍開烏水溝的歷史 一條轟轟烈烈的天險
自古到今無人袂膽寒的天險橫佇遐
好膽你跳落去試鹹汫 保證予你九死一生毋敢來
過客是一陣閣一陣 無留落啥物好名聲
壓逼佮洗腦的過程是重重疊疊講會了袂盡
敢是因為上好的寶島傳奇 注定愛有玄奇的過程
敢是上讚的地理 注定愛有列強的鐵槌來撼、來挽
敢有前世的約定 予咱佇遮閣再相見
忍不住欲共恁講伊的媠
擋袂牢欲共恁喝咻 伊的傳奇佮夢幻的美麗
伊是世界獨一無二的一粒靈魂寶島
欲陪咱生生世世寫出無雙的傳奇
請你綴我吟 請你綴我唱出伊的媠～
君不見太平之洋通世界
獨冠五洲群倫來
君不見台灣海峽奇中絕
六死三生一人還
中央山脈有合歡
莫使玉山獨對月
天賜百嶽原民勇
千古奇緣百鳥來
縱橫巖顛尋真樂
時間流逝數萬載
臨夏至，風颱生
莫迴南，雨不停
與君舞風雨，請君慎馬蹄而行
古木參天足珍貴
但願常在不離靜
古來原民皆安樂
惟有侵者奪其命
蔣王昔時逼民惡
埋鍋造飯圖侵略
平民百姓何敢言
直需亂取對君剁
到如今，頻回首
暴君必亡難長久
佮你同享真自由……………
歷史留落的痕跡 半身飄浪的無依無倚
若像叫咱毋通閣恬恬無作為 愛拍拚 愛奮鬥
啥人叫咱欲是寶島的一份子
毋通閣耽誤良好的前程佮時機
大好的前程等咱去行踏
無的確 咱就是世界靈魂的鎖匙
等咱拍開宇宙的窗仔門
看著人類文明的媠佮真善美
佇遐吼 佇遐叫 佇遐唱
咱就是蓬萊仙島的傳奇～
Ps.所有的漢字佮拼音攏採用教育部網站所公佈的建議用字
雺霧中 [ bông-bū-tiong ]：雲霧之中。
烏水溝 [ oo-tsuí-kau ]：指台灣海峽。
橫佇遐 [ huâinn-tī-hia ]：他橫在那兒。
試鹹汫 [ tshì-kiâm-tsiám ]：試一下滋味如何。
重重疊疊 [ tîng-tîng tha̍h-tha̍h ]：重覆又重覆的循環。
來撼 [ lâi-hám ]：來敲打之意。
來挽 [ lâi-bán ]：來拔取之意。意指奪取寶藏。
喝咻 [ huah-hiu ]：呼喊著。
百嶽 [ pik-ga̍k ]：指台灣三千公尺以上的高山（有２６８座）
巖顛 [ giâm-tian ]：指稜線峭壁之處。
莫迴南 [ bo̍k-huê-lâm ]：指「風颱若無迴南，會十日九日澹！」
對君剁 [ tuì-kun-tok ]：意指大筆一揮就斷人生死存活。
鎖匙 [ só-sî ]：鑰匙。
練習多次的您一定會跟靖安一樣，覺得愈讀愈有意思，愈聽愈好聽，愈唸愈有感情，加上靖安一個個問清楚字面的意思，還放上了老師的原文稿，相信有心如您，在欣賞之餘，也樂於將此網址轉貼分享，我們要呼籲正視母語教育，美好的聲音讓我們一起，讓我們每個月的第一個星期三早上10點弘鶯陶網路電台空中再相見!
林聰明老師小檔案：台灣國立師範大學台灣文化以及語言文學研究所
現任:新北市鶯歌區昌福國小、建國國小的台語老師、固定於鶯歌陶瓷博物館每週三下午2點導覽志工
|
弘鶯陶網路電台
盧靖安 
林聰明老師
沒有留言:
張貼留言