 |
 弘鶯陶網路電台 盧靖安  SHOW影劇團 陳義翔導演 |
| [soundcloud url="http://api.soundcloud.com/tracks/466205754" params="auto_play=true" width="100%" height="128" iframe="true" /] |
|
|
全新的網路電台服務您。 有商品想增加點閱率、曝光率，卻又不想花大錢，很歡迎來找我們合作。
2018年7月3日 星期二
歡迎台幣支持SHOW影十年有成舞台劇「雙壁」即將登場
2018年4月7日 星期六
【台語世界／錄音】夭壽--喔！阮兜哪會變做共產黨！
是按怎欲揀這篇：
為著kā人民洗腦，使各種hàm-kuā-kuā ê步數，kā人家厝mā講做「共產黨」；tsit款代誌，確實有tī台灣發生--過，tse是本文作者ê親身經歷。作者用活跳ê對話來呈現，lán leh讀／聽ê時，也tio̍h提醒家己：tsia-ê歷史，tsiah過了無偌久。
[soundcloud url="http://api.soundcloud.com/tracks/425766234" params="auto_play=true" width="100%" height="128" iframe="true" /]
回想往事誠感慨！這是發生佇我國小一年的囡仔代誌，雖然經過四十外年，應該是會袂記--得--矣，偏偏這件足hàm-kóo--的，予我一直有恐怖的陰影，記牢佇心肝內。
會記得囡仔時代，蹛佇鶯歌的上北爿，遐是真偏僻的阿南坑山頂。因為交通真無利便，學生需要行六、七公里路，到鶯歌國小去讀冊，對囡仔囝來講是傷過遠，所以國小一、二年的學生，只要去設佇隔壁坑的阿四坑讀分校就好。這所分校kan-tann一間教室，阮兩个年級坐做伙，拄仔好四、五十个學生，毋過阮無坐仝爿，也就是兩个年級，是尻脊骿拄尻脊骿的坐法。遮kan-tann有一位老師「校長兼摃鐘」，等伊kā佗一个年級上課，另外一个年級，tio̍h-ài家己自修看冊，真少有兩个年級做伙上課的時陣。
蹛阿四坑的學生，免閣行車路就會使到分校；若蹛阿南坑--的，上課的路程就精彩--矣。佇上課的早起時，ài行車路一、兩公里到分校。下埔下課的時陣若好天，逐个攏會相招，行兩坑後山的山頂路轉去厝--裡，按呢生蹛佇阿南坑上山頂尾溜的我，煞變做上緊到厝--裡--的。因為行山路真有挑戰性，沿路有足濟蟲豸、動物thang好耍佮看，所以成做阮囡仔人冒險的路途。逐家轉厝的路--裡會經過阮兜──一間破破的草厝仔，也就是厝的頂懸，真正是崁草仔來遮日頭，壁堵是用柴枋仔料來隔--的，這是阮阿爸家己用個人特色，親手kā起造--起-來--的。
有一工分校來兩位生份的老師，欲kā阮上課。In紮規大本的烏白相片佮宣傳的標語到阮教室內底，一開始就叫阮兩个年級坐仝面，開喙講啥物：萬惡的共匪、人民公社、共產黨是會食--人的惡魔，中國人民ài食樹皮、草仔根、弓蕉皮，攏ài睏佇樹仔頂、磅空內，較好--的也只有破草厝thang好蹛……猶閣有相片thang看，好來證明是真--的ia̍h假--的。紲--落，閣教阮唱兩首歌：『反攻大陸去』佮『反攻復國歌』，一下唱就是『反共、反共，反共大陸去』，然後是『消滅朱毛，殺漢奸、殺漢奸』，閣ài大力用跤蹔塗跤兜、喝『殺、殺』，來表示共產黨真正是有偌爾仔恐怖--的--喔！
到食飯飽的下晡時，in叫阮ài認真看中國匪區的烏白相片，真正看會著相片內底的人當咧哺草、食弓蕉皮，閣有人瘦甲若皮包骨的相片……。當我看甲入神兼可憐中國人民的時陣，雄雄有同窗哀一聲講：「彼敢是啥物人in兜？原來in兜就是共產黨--喔！」所有的同窗攏khînn-uá去看，連我嘛uá去tsîn，一看險險仔昏--倒，哪會是阮兜彼間破草厝仔--啦！Tann！我苦--矣！阮兜tang時變做「共產黨」--矣！早起出門時，阿爸、阿母猶閣好好，敢是予「共產黨」掠--去--矣？當場已經有同窗準備欲kā我呸喙瀾兼掔石頭仔，我即時放聲háu甲mà-mà叫，驚動兩位『保密防諜』的老師來關心。同窗十喙九尻川講煞，兩位老師知影相片內底共匪的破草厝原來是阮兜，才佇遐哀tshan（我想大概是講：夭壽--喔！哪會去取著這位學生囡仔in兜的景--啦！）。In ná緊kā我安慰講無代誌，ná解說講：「彼只是生做真仝款的草厝仔，你毋免煩惱會有路無厝、無爸無母……」阮班級導師閣交待，叫阮彼工攏ài行車路轉--去，而且叫蹛阿南坑山腰的同窗，一定ài陪我行轉去山頂的草厝，按呢，我才無閣繼續háu--落-去。
落尾，同窗真正有陪我行轉去山頂，毋過，等欲uá三、四百公尺左右，同窗遠遠看著阮兜，伊就講「恁兜到位--矣」，即時跤底抹油就suan--矣！我看，伊可能比我閣較驚惶。我離門口遠遠徛踮遐，足久、足久攏毋敢振動，尾--仔是阮厝內飼的狗仔，走來迎接我這个小主人，我佮伊耍甲袂記得thang驚，才慢慢仔行轉去厝內底。我一入門，隨予阿母罵：「夭壽死囡仔是走去佗位，哪會到這馬才到厝！」我隨kā應：「是彼～是彼～恐怖的共產黨--啦！」阮母--仔應講：「聽無你咧講啥--啦！緊去洗手、洗面thang好食飯--啦！」
這段真實發生佇家己身軀頂的代誌，真正予人感慨萬千。過去的國民政府，為著欲kā人民洗腦，會使不擇手段、用盡心機，來做半真半假的洗腦宣傳；聽講彼爿的中國政府嘛是仝款，對人民用半斤八兩的洗腦方式。如今無閣執政的仝一phâng人，煞佮對岸的中國政府，你兄我弟親hòo-hòo，不時做伙鬥空來恐hat咱台灣公民，閣聽講猶有啥物「白目色」的力量，hông染甲變「紅目kàng」的真假仙，佇遐「一家親」假鬼假怪，請問咱善良的台灣公民，敢欲閣kā in信篤？
（作者是台灣母語聯盟理事；本文由台灣母語聯盟提供。）
註：本文使用教育部推薦漢字kap台羅，一寡字詞ê語音kap語意thang上教育部台灣閩南語常用詞辭典查詢；『 』內底用華語發音。
摘自民報台語世界
2018年3月28日 星期三
低頭族也能成為攝影高手(上集)~陳仰聖老師
 |
 讓愛傳出去靖安女王 蝴蝶家族 陳仰聖老師 |
| [soundcloud url="http://api.soundcloud.com/tracks/362317250" params="auto_play=true" width="100%" height="128" iframe="true" /] |
|
2018年3月21日 星期三
【鶯歌好棒】2018鶯歌嘉年華會這樣玩就對了~周晉平區長 專訪
 |
| 弘鶯陶網路電台盧靖安 鶯歌區區長周晉平 |
| [soundcloud url="http://api.soundcloud.com/tracks/409524762" params="auto_play=true" width="100%" height="128" iframe="true" /] |
|
|
2018年3月14日 星期三
【鶯歌好棒】用不服輸的在地精神挑戰藝術之美~羅宇鈞 專訪
 |
| 弘鶯陶網路電台盧靖安 藝窩美術~羅宇鈞老師 /范素珍小姐 |
| [soundcloud url="http://api.soundcloud.com/tracks/412320333" params="auto_play=true" width="100%" height="128" iframe="true" /] |
|
|
2018年3月7日 星期三
【鶯歌好棒】新北動健康~洪佳君與鶯歌最親近的公共事務分享
 |
| 弘鶯陶網路電台盧靖安 新北市議員 洪佳君 弘鶯陶創意執行發展中心執行長 林金德 |
| [soundcloud url="http://api.soundcloud.com/tracks/409520751" params="auto_play=true" width="100%" height="128" iframe="true" /] |
|
|
【鶯歌好棒】新北動健康~洪佳君與鶯歌最親近的公共事務分享
|
| 弘鶯陶網路電台盧靖安 新北市議員 洪佳君 弘鶯陶創意執行發展中心執行長 林金德 |
| [soundcloud url="http://api.soundcloud.com/tracks/409520751" params="auto_play=true" width="100%" height="128" iframe="true" /] |
|
|
訂閱：
文章 (Atom)